學術 2020-02-17

DSE 中文科貼士

作者: 讀魔 (#536 導師, 就讀HKU Government Law, 18DSE中文科 5**)

 

相信有唔少同學最擔心嘅其中一科就係有死亡之卷之稱 嘅中文科 。為咗幫助大家作出最後嘅溫習同應試部署 ,接住落嚟我將會分一啲應付卷一至卷四考卷嘅貼士,輔助你好好發揮 !

卷一

文言範文可以畀一啲勤力嘅學生穩定成績 。 點解 ?因為範文有得溫 、有得背 。 要攞份有三個位。語譯方面同學 由今日開始每日幾個幾個咁去背 , 務求考試之前可以背熟大部分嘅語譯 。 寫作、說理手法入面其實嚟嚟去去都係幾種, 例如比喻 ,排比等等 , 大家可以跟住教科書以及各種筆記 將唔同課文入面嘅例句根據手法分好去溫, 亦都要溫熟唔同手法嘅作用 ,例如比喻論證令文章更加容易理解 ,排比可以加添氣勢。範文內容大致上都係背誦每篇文章嘅意思 ,以及佢哋嘅寫作背景 ; 例如六國論入面六國破滅嘅原因係乜? 作者寫呢篇文章嘅動機又係乜? 咁問自己就可以加深對文言範文嘅理解 。

 

白話文同文言文題目款式一般都有分段 ,寫作手法等等 , 分段可以靠段落頭尾去歸納 , 寫作手法就 都係要自己溫熟幾種常見嘅寫作手法之後搵番相應嘅部分 。 都係一啲可以短期內提升嘅題型 。(難度最高嘅題型就不在此贅述)文言文有兩個特別去注意嘅位置 : 語譯可以透過上問下你去猜測 , 例如佢係動詞定形容詞 ,褒義定貶義 … … 另外古人要文以載道 , 所以文章無論係議論文定係寫人物風景等一啲做人嘅道理 , 大家不妨由呢個角度去理解文章 。

 

卷二

各款文章結構, 例如 記敘文要有起承轉合以及情感,說理昇華 , 議論文要有主旨句同駁論等等 , 唔知大家背熟咗未呢 ?熟習基本結構 ,寫作嘅時候構思就可以快人一步。同學亦都要審題謹慎 , 例如判斷文體 , 應該點樣發展情節 ,要帶出乜嘢到你等等 , 都要 每次作文之前認真睇好 。此外亦都要準備定一啲自己拿手嘅修辭手法同埋說理技巧 ,多啲用佢哋去寫唔同嘅句子 ,論據等等 。 大忌就係死記難背 , 例如一啲唔關事嘅罐頭例子 ,聽落好靚但實際上同文章唔配合嘅罐頭句 , 都係考評局嘅扣分位 。

 

卷三

卷三四個部分只要掌握到竅門嘅話 ,都可以好快提升分數 。

 

語境意識有兩大攞分位: 各種文體嘅格式要背好 , 另外亦需要根據帶聲同埋資料嘅提示 ,在頭尾帶出一些訊息 ,例如要多謝邊個 ,背景 ,願景等 。

 

整合拓展 ,顧名思義可以分成整合 ,拓展剪兩個部分。一般嚟講題目會要求考生先去敍述兩樣事情 ,例如活動、價值觀等等 , 呢兩樣 ,而可以直接由資料入面搵到。 所以整合最大嘅竅門就係要抄足資料所有內容 ,以免遺漏 。 拓展方面就記住多舉例 ,例子往往可以很同一份資料入面搵到 , 之後亦都要記得扣連 題目嘅要求 ,例如題目話要呢個活動可以提升同學嘅團隊精神,就在入面選取例子 , 例如二人三足如何建立團隊精神等等 。

 

見解論證就有幾點要留意,例如同學要根據聲帶或者資料嘅角度去寫;唔需要寫太多,只要一段一個就夠 ; 每段都要提出論點,主旨句,論據, 根據資料又或者自行作出合理嘅例子,以及記住扣連題目嘅要求 ; 如果有需要嘅話亦都可以同其他選項作出比較 ,加強說服力 。

 

表達組織就記住要分段清晰, 上文下理之間要有適合嘅過渡句/段 , 要注意標點同錯別字等等 。

 

卷四

雖然中文口試考唔考到都係未知之數 ,但係各位同學都應該作出準備 ,咁就有備無患 。

 

首先預備時間記住審題要審慎 ,要標明題目嘅重點字句構思論點 , 以避免離題 。個人時間就唔好浪費任何時間,即刻帶出自己嘅立場 , 起碼要講出一個論點,有時間的話可以同其他論點或者其他同學嘅發言比較 。小組討論期間記住一定要聆聽其他同學嘅發言。 如果同學論點充足嘅話嘅話, 就可以先發現前加以引用對方講過嘅說話去拓展或者反駁,令考官知道你係討論而唔係自說自話 ; 同樣如果論點唔夠嘅話就可以拾人牙慧, 重新包裝人地嘅說話 ,例如舉一個新例子又或者一個比喻去豐富討論 , 起碼可以為你攞到一定分數 。最後發言時前要放鬆自己 , 而且要多加留意自己嘅聲量係咪恰當 ,特別係帶咗口罩之後 。

 

希望以上嘅貼士可以幫到大家中文考試有更好的發揮 。各位同學溫書嘅時候都要記住要有良好生活習慣同做好防疫措施 ,保重自己嘅身體 !

 

延伸閱讀: DSE中文寫作技巧(卷二) - 抒情文

延伸閱讀: 中文要「浸」先寫得好文?

 

(此文章純屬 Blogger 個人分享,並不代表本網誌立場)

  

想搵一位合適嘅私補老師?

 

補習可能係最好嘅Part time

 

緊貼Tutorland BlogInstagram & Facebook

搵補習,要搵,就要搵最好!

Choose Smarter, Go Further!